طبعا كل ست بتشيل هم ترتيب الدولاب وبنضايق جداا لانه مش بيفضل مترتب فترة طويلة وعلى طول بيتبهدل وبنبقى عايزين نرتبه من جديد ودة بيعمل علينا ضغط اكتر بالاضافة الى ترويق البيت
فالنهاردة هنتكلم عن نصائح ذكية وعملية تفيدنا فى ترتيب الدولاب ومتخليناش كل شوية نحتاج نرتبه من جديد

9 نصائح لترتيب دولابك المودرن 7a30bb_3e5ee3c9df344e41998ea4fbd9577d02~mv2


1- من النصائح الى بعتبرها مهمة جداا هى اننا لازم نشيل اى هدوم مش بنستخدمها ومن الافضل اننا نتبرع فيها وبلاش نرميها وهى مفيهاش حاجة لان الكركبة فى الهدوم هى الى بتعمل عدم الترتيب المستمر فى الدولاب.
9 نصائح لترتيب دولابك المودرن 7a30bb_fa8fef552e2a4017b805a0b21381491c~mv2


2- رتبى الملابس على حسب المفضل عندك ودة افضل لان الملابس دى اكتر حاجة بنستخدمها وممكن نبهدل الدولاب كل شوية عشان نوصل للهدوم دى عشان كدة متنسيش ترتبى من الافضل
9 نصائح لترتيب دولابك المودرن 7a30bb_2630070107454971b615cdf0b35c5602~mv2


3- الملابس الى حجمها كبير والى بتاخد مكان كبير مثل البلوفرات جربى رتبيها رأسيآ وليس افقيآ عشان متخليش الرفوف تبقى ضيقة ومنعرفش نحط فيها الملابس الى عايزنها
9 نصائح لترتيب دولابك المودرن 7a30bb_69d70f091b8f456cb33bcef3d04168fb~mv2



4- وبما اننا فى الشتاء فخلى الجواكيت والبناطيل الى بتبقى صعب اننا نطبقها والى بتاخد اماكن كبيرة جدا لو حطيناها فى رفوف فجيبى شماعات عشان تحطيها بشكل جميل وكمان متاخدش مكان كبير ويبقى الدولاب شكله حلو
9 نصائح لترتيب دولابك المودرن 7a30bb_77ed265a77f945bdb4d850ae80331018~mv2









5- لو دولابك كان صغير ومفيش مساحة كبيرة عشان تحطى الهدوم كلها جربى قسمى الى مساحات اصغر وهاتى صناديق وحطيها عشان يسهل عليكى ترتيب وتقسيم الهدوم
9 نصائح لترتيب دولابك المودرن 7a30bb_1413286d791545a5986c6c617b14bfc8~mv2



6- هتبقى على الشكل المبهج للدولاب وعشان برضو الشكل مهم زى الترتيب حطى الملابس الملونة فى الاول بحيث لما تفتحى تلاقى الوان حلوة ومرحة تديكى شكل حلو للدولاب
9 نصائح لترتيب دولابك المودرن 7a30bb_08d5a4fd2b16416181b5ca5cc24c7a82~mv2



7- بلاش تحطى الهدوم بترتيب عشوائى لان دة برضو سبب كبير فى بهدلة الدولاب كل شوية ولكن خصصى لكل درج فى دولابك نوع الملابس الى هتحطيه فيها يعنى مثلا درج للاحذية ودرج للشرابات عشان تضمنى ترتيب دولابك لفترة اطول.
9 نصائح لترتيب دولابك المودرن 7a30bb_9c71945a6b6f4e38904e8b8f0ca859ec~mv2



8- ممكن برضو تجيبى شماعة تحطى فيها الاوشحة وتعلقى عليها الكرافتات وممكن تعملى فكرة جديدة انك تجيبى درج تنظيم الساعات والكرفتات وتبدأى تحطيهم فيها
9 نصائح لترتيب دولابك المودرن 7a30bb_cdda3f1526ca408cbb39a64fbcee5220~mv2



9- لو كان دولابك كبير ممكن تستخدمى الرفوف العلوية للدولاب للبطاطين والالحفة الى ملهاش مكان عندك وممكن كمان نستخدم الادراج الضيقة الى مش بتبقى مناسبة نحط فيها الملابس اننا نحط فيها الكتب الدراسية والبومات العائلة.
9 نصائح لترتيب دولابك المودرن 7a30bb_26b1c7bcbf3a41c481f3f824046bf548~mv2