طبعا حاجة عادية جدا اننا نلاقى مكان او اكتر فى شقتنا مساحته صغيرة وبنبقى محتارين جدا ومضايقين اننا مش عارفين نرتب الغرفة ونعملها ديكور زى ما احنا عايزين وفى الاخر لما بنحط الاثاث بنحس بزحمة كبيرة فى الاوضة وان شكلها الخارجى بقى سئ للغاية.
عشان المشكلة دى بتقابلنا كلنا فأحنا النهاردة هنتكلم عن ازاى نعمل ديكور للاماكن والغرف الصغيرة بطريقة وحلول بسيطة وحلوة جدا وازاى نقدر نستغل المساحات الصغيرة ونظهر المكان انه اوسع.
1- خلى دايما دهان الاماكن الصغيرة زى غرف المعيشة او غرف النوم بالالوان فاتحة والهادئة والابتعاد عن الالوان الغامقة عشان الالوان الفاتحة هى الى بتحسسنا بأتساع فى المكان وكمان بتبقى مريحة للعين جدا ومبهجة جداا
2- لما تيجى تختارى الاثاث طبعا لازم يكون حجمه صغير عشان ميعملش ازدحام فى المكان وطبعا لازم نراعى ان يبقى فى مساحة فاضية نقدر نتحرك فيها براحتنا. يعنى مثلا بلاش فى غرف النوم تجيبى سرير كبير جدا وضخم هاتى سرير يكون خشبة كويس ويكون حجة متوسط.
3- رتبى الاكسسوارات والاثاث بطريقة ذكية وعملية وبلاش نحط حاجات مش هانستخدمها وتبقى لمجرد الشكل بس وتتسبب فى افساد مظهر المكان ولكن حاولى طول الوقت تستغلى المساحة بطريقة ذكية يعنى ممكن فى غرف المعيشة نحط رفوف خشب على الحيطة او المكتبة تبقى مكتبة صغيرة معلقة على الحيطة.
4- من الخدع البسيطة الى ممكن نعملها عشان ندى احساس بوسع المكان هى اننا نعتمد على الضوء الطبيعى يعنى على اشعة الشمس غير انه صحى جدا للاطفال وكمان النباتات على عكس ضوء الكشافات الى بيصغر المكان.
5- من اهم الاكسسوارات الى بنحطها لو المكان ضيق هى المرايات ودة لانها عامل مهم جدا فى اظهار تفاصيل الغرفة وبتوسع المكان جدا جدا.
6- اعتمدى فى الاماكن الضيقة على الستائر الخفيفة والشفافة وقماشتها الخفيفة بالوانها الفاتحة عشان تسمح بمرور اشعة الشمس ومنكتمش المكان وابتعدى خالص عن الستائر القطيفة والى قماشها تقيل.
7- فى خدعة كمان ممكن تستخدميها وهى انك تستخدمى ورق الحائط فى الاماكن ذات المساحات الضيفة ودة هيدى عمق وجمال اكتر للمكان ولكن خلى بالك ان ورق الحائط يكون مناسب مع باقى الوان الغرفة والاثاث كمان.
8- اعتمدى فى اختيارك على الاثاث متعدد الاستخدامات والنوع دة من الاثاث انتشر اوى فى الاوقات الاخيرة لانه عملى وفى نفس الوقت شكله جميل وراقى جدا. يعنى زى مثلا الركنة الى بتستخدم كسرير وسحارة كمان.
دلوقتى بقى هنتفرج على غرف صغيرة ولكن بديكور عملى وجميل جدا وفيهم كل النصائح الى اتكلمنا عليها
عشان المشكلة دى بتقابلنا كلنا فأحنا النهاردة هنتكلم عن ازاى نعمل ديكور للاماكن والغرف الصغيرة بطريقة وحلول بسيطة وحلوة جدا وازاى نقدر نستغل المساحات الصغيرة ونظهر المكان انه اوسع.
1- خلى دايما دهان الاماكن الصغيرة زى غرف المعيشة او غرف النوم بالالوان فاتحة والهادئة والابتعاد عن الالوان الغامقة عشان الالوان الفاتحة هى الى بتحسسنا بأتساع فى المكان وكمان بتبقى مريحة للعين جدا ومبهجة جداا
2- لما تيجى تختارى الاثاث طبعا لازم يكون حجمه صغير عشان ميعملش ازدحام فى المكان وطبعا لازم نراعى ان يبقى فى مساحة فاضية نقدر نتحرك فيها براحتنا. يعنى مثلا بلاش فى غرف النوم تجيبى سرير كبير جدا وضخم هاتى سرير يكون خشبة كويس ويكون حجة متوسط.
3- رتبى الاكسسوارات والاثاث بطريقة ذكية وعملية وبلاش نحط حاجات مش هانستخدمها وتبقى لمجرد الشكل بس وتتسبب فى افساد مظهر المكان ولكن حاولى طول الوقت تستغلى المساحة بطريقة ذكية يعنى ممكن فى غرف المعيشة نحط رفوف خشب على الحيطة او المكتبة تبقى مكتبة صغيرة معلقة على الحيطة.
5- من اهم الاكسسوارات الى بنحطها لو المكان ضيق هى المرايات ودة لانها عامل مهم جدا فى اظهار تفاصيل الغرفة وبتوسع المكان جدا جدا.
6- اعتمدى فى الاماكن الضيقة على الستائر الخفيفة والشفافة وقماشتها الخفيفة بالوانها الفاتحة عشان تسمح بمرور اشعة الشمس ومنكتمش المكان وابتعدى خالص عن الستائر القطيفة والى قماشها تقيل.
7- فى خدعة كمان ممكن تستخدميها وهى انك تستخدمى ورق الحائط فى الاماكن ذات المساحات الضيفة ودة هيدى عمق وجمال اكتر للمكان ولكن خلى بالك ان ورق الحائط يكون مناسب مع باقى الوان الغرفة والاثاث كمان.
8- اعتمدى فى اختيارك على الاثاث متعدد الاستخدامات والنوع دة من الاثاث انتشر اوى فى الاوقات الاخيرة لانه عملى وفى نفس الوقت شكله جميل وراقى جدا. يعنى زى مثلا الركنة الى بتستخدم كسرير وسحارة كمان.
دلوقتى بقى هنتفرج على غرف صغيرة ولكن بديكور عملى وجميل جدا وفيهم كل النصائح الى اتكلمنا عليها